't Leedsje vaan dit jaor
Vastelaovendsleedsje 2012
"Vendaog höb iech geinen tied"
Couplet:
Bij us in de gooj kamer is ’t einen oonderein
Pekskes, pruke, alles ligk doorein
De dikke zjiem steit neve d’n tv
Confetti vinste zellefs op de plee
Op d’n dressoir steit in de stöb gesjreve:
Wat e gelök um hei te mage leve..!!!
Refrein:
Vendaog höb iech geinen tied
Um te pótse, um te koke, veur de striek
Want noe is ’t weer zoe wied
Um te springe veur dee ketelemeziek
Vendaog höb iech miech belaof
en dat nump miech geine aof –
tot es ’t asselegoonsdag is
iech vaan dee Vastelaovend gaar niks höb gemis …..
Couplet:
’t Huteke vaan ama kump ouch noe weer good vaan pas
En vaan ampa is dee slippejas
Die sjoen kalbas waor vreuger vaan tant Nie
Deen hoege zije vaan miene noonk Pie
Vaan keends aof aon is ’t us mètgegeve:
Wat e gelök um hei te mage leve…!!!
De originele melodie en accoorde zien hei te vinde (PDF-bestand)
Hei oonder stoon arrangeminte veur diverse instruminte:
Foto's vaan de oetverkezing:
