Samewerkende Mestreechter Vastelaovendsvereiniginge (SMV)

Nuits

6 augustus 2010

Vastelaovendsleedsje 2011

Terwijl ederein volop geneet vaan ’n welverdeende zomervekantie, weurt toch ouch al gewèrk aon de Vastelaovend 2011.
Op zoondag 7 november 2010 vint in de Platte Zaol aon de Green de oetverkezing plaots vaan ’t Vastelaovendsleedsje 2011.
Veurtot ’t evels zoewied is geit dao e.e.a. aon veuraof. Middels dit verhäölke wèlle veer uuch dao gere deilgenoot vaan make.
Ederein kin leedsjes (max. 3 leedsjes per componist/tekssjrijver) insjikke vaanaof noe tot uterlek donderdag 16 september 2010 24.00 oor.
’t Inlievere vaan eur inzending(e) moot op ’t volgende adres:
Secretariaat S.M.V.
Turennestraat 27A
6221 AR Maastricht

Wat g’r dao moot inlievere kint g’r trökvinde in ’t Riggelmint/aonmeldingsformeleer 2011. Dao in vint g’r ouch trök aon wat veur veurwaarde eur inzending moot voldoen.
Dat Riggelemint/aonmeldingsformeleer 2011 kint geer hei vinde in de vörm vaan 'n PDF-bestand.
Ouch bij V.V.V. Mestreech aon de Kleine Staat kint g’r ’n exemplaar vaan ’t rigglemint 2011 aofhole.
Naotot op donderdag 16 september 2010 um 24.00 oor de inzendtermijn is geslote, weurde de inzendinge aongeboje aon de selectiekemissie die op zaoterdag 18 september 2010 alle inzendinge geit beoordeile en ’n oeteindelek käös maak die op zoondag 7 november 2010 aon ’t Volk vaan Mestreech in de Platte Zaol weurt geprizzenteerd.
De inzenders die genomineerd zien, kriege dat op zaoterdag 18 september 2010 tösse 17.00 en 18.00 oor per tillefoon te hure. De maondag dao oan volgend (20 september 2010) weurde de genomineerde deilnummers um 20.00 oor verwach in café Aux Arcades aon de St. annalaan. Dao weurde daan aofspraoke gemaak ten aonzeen vaan de artieste die de leedsjes goon zinge en via loting de volgorde bepaold bou in ze geprizzenteerd goon weurde en op de cd terech koume.
Es dat gebäörd is, geit de studio aon de slaag mèt ’t make vaan arrangeminte en weurde de leedsjes vervolgens opgenome op de cd.
De genomineerde inzenders kriege daan oongeveer ein week veur de prizzentatie in de Platte Zaol ’n oetnudeging um ’t indrizzeltaot vaan de cd in de studio te koume beluustere.
Op zoondag 7 november 2010 krijg daan ’t volk vaan Mestreech de kans ziech oet te spreke euver de geselecteerde inzendinge. In de volgorde zoe wie via de loting op 18 september bepaold, weurde de leedsjes aon ’t volk geprizzenteerd. Nao ’n korte poos weurde de leedsjes in umgekierde volgorde nog ins ten gehure gebrach en vervolgens is ’t de beurt aon ’t Volk um (in aofwieking van veurgaonde jaore) middels ’t stumbiljet in ein stumrunde ein leedsje oet te keze.
Daoneve telt ouch de zjurering vaan de selectiekemissie en de puntetèlling vaan ‘ne prominentezjurie (dee eder jaor aanders vaan samestèlling zal zien).
De stumme vaan de zaol tèlle mèt veur 60%
De stumme vaan de selectiekemissie tèlle mèt veur 30%
En de stumme vaan de Prominentezjurie veur 10%
’t Leedsje mèt de mieste punte maag ziech “Vastelaovendsleedsje 2011” numme.

11 december 2009

Hermeniekes en muzikante: aon de slaag!

Venaof vendaog stoon de veur uuch aongepasde meziek arrangeminte vaan 't nui leedsje "Hei höb iech alles veur euver" in de vörm vaan diverse PDF-documinte op dizze site. Geer kint dus aon de geng.

15 november 2009

Vastelaovendsleedsje 2010: "Hei höb iech alles veur euver"

In 'n groete tent oppe Greend is venmiddag 't nui vastelaovendsleedsje veur 2010 gekoze. Mèt 'n versjèl vaan 47 stumme ten opziechte vaan de twiede plaots höbbe (zjus wie verleije jaor) Bert en Ursula Garnier gewonne mèt 't leedsje "Hei höb iech alles veur euver". Op de twiede plaots is geïndeg 't leedsje "Wat deiste?" vaan Noël Fabry en Raymond de Pauw. Veur foto's vaan 't evenemint verwieze veer uuch nao de site vaan Kenneth Tan.

4 november 2009

Wee is dee muzikant?

Op de nieuwe CD van de Samenwerkende Vastelaovendsvereiniginge, die op 15 november gepresenteerd wordt, staat een foto van een muzikant die tuba speelt. De foto is gemaakt op 6 januari 2008 tijdens het uitroepen van de stadsprins op de Markt. Wie is deze muzikant?

Tubaspeler meld je bij de voorzitter van het SMV Nico Kempeners (telefoon 06 29 01 65 57) en kom de CD van 2010 ophalen tijdens het leedsjeskonkoer op 15 november 2009 in de grote tent op de Griend.

Op die dag worden de 7 liedjes gepresenteerd en het Vollek vaan Mestreech kan dan zijn keuze bepalen wat het liedje van 2010 zal worden.

De entree is voor iedereen € 3,00 en voor de prijs krijgt u het boekje met de teksten en de twee stembiljetten. Ook zit in het boekje een bon waarmee u op 15 november de CD in plaats van € 11.00 voor € 10.00 kunt kopen.
Wij hopen op een grote publieke opkomst; dat u allen een gezellige middag mag beleven en dat het winnend liedje u een sjiek Vastelaovend 2010 zal bezorgen.

25 september 2009

Finaliste Mestreechs Vastelaovendsleedsjes konkoer 2010

Op zoondag 17 jannewarie 2010 weurt op de Merret vaan Mestreech weer bekind gemaakt wee Stadsprins vaan Mestreech zal zien. Dao huurt ouch 'n vastelaovendsleedsje bij. Zoe wie eeder jaor höbbe de Samewerkende Mestreechter Vastelaovendsvereiniginge (SMV) d'r weer veur gezörreg tot tekssjrijvers/componiste leedsjes koste aonlievere. Dit jaor waore d'r 21 inzendinge. Aofgeloupe zaoterdag 19 september 2009 kaom 'n deskundige selectiecommissie bijein um alle inzendinge te beoordeile. Vaan alle ingezonde leedsjes zien d'r 7 geselecteerd die op zoondag 15 november 2009 vaanaof 14.11 oor weure geprizzenteerd in de paviljoentent oppe Greend. Alle bezeukers betaole 'ne entree vaan
€ 3,00. Es tegenprestatie ontvaange zie daan 'n tekstbeukske inclusief stumbiljette um daomèt te bepaole op welk leedsje Mestreech in 2010 vastelaovend zal viere.

Hei oonder stoon de deilnummende leedsjes in willekeurege volgorde.

1. Laot de boel mer wejje, teks en meziek: Jean Debruijn
2. Vastelaovend maag get langer dore, teks: Roger Schleipen, meziek: Renaldo Fraiquin
3. Es iech diech tegekom, teks: Noel Fabry, meziek: Raymond de Pauw
4. Val um!, teks en meziek: Louis van den Bongaert
5. Wat deiste?, teks: Noel Fabry, meziek: Raymond de Pauw
6. Mestreech! Boe aanders, teks: Patrick Ummels, meziek: Patrick Ummels en Philippe Reuser
7. Hei höb iech alles veur euver!, teks en meziek: Ursula en Bert Garnier

De naome vaan de zeve artieste die de leedjes goon zinge zien op dit memint nog neet definitief bekind. Laot uuch verrasse en komp op 15 november nao de Greend. De CD mèt de heibove genumde leedjes is euveriges in de tent te koup veur de pries vaan € 11,-- per stök.

6 miert 2009

Via de link hei oonder kint geer nao 'n gemonteerd videoverslaag vaan de Groete Optoch 2009 loere. Ein en aander doort 33 minute en is opgenome in Wiek. Umtot euze band neet haverwege d'n optoch op waors, kinne veer uuch daan ouch kleurrieke HD-sfeerimpressies oet de ganse optoch laote zien. Laot uuch mer 'ns verrasse!

28 fibberwarie 2009

't Zit weer d'r op. Vastelaovend 2009 is veurbei. Wat blijf, zien de sjoen herinneringe. Veer laote uuch nog evekes genete vaan 'n korte impressie vaan 't Zate Hermeniekes Concours.

24 november 2008

De blaadmeziek van 't nuie leedsje is venaof dit memint besjikbaar via dizze site. Zaate Hermeniekes, aon de geng!

12 november 2008

De nui Vastelaovendsleedsjes-CD is te koup bij V&D, Mediamarkt , Free Record Shop, van Leest en de Kiek Oet.

e Sjiek Sinterklaos- of Keerskedoke veur 'ne Mestreechteneer, of neet?

9 november 2008

Noe geit 't gebäöre!

Roond de klok vaan 17:45oor heet mèt 'n euerweldigende mierderheid 't Mestreechse Volk gekoze veur "Noe geit 't gebäöre". 't Leedsje veur 2009 Is gesjreve door Bert en Ursula Garnier en woort oetgevoord
door "'t vollek vaan Mestreech".

8 april 2008

De website vaan 't SMV is vernuid. Umtot inmiddels eeder aongeslote vereining 'n eige website heet, hobbe veer beslote tot geer veur de specifieke vereinigingsinformatie direk nao de sites vaan de vereinginge weurt gesjik. Dit is gerealiseerd via de links aon de linkerkant vaan dizze pagina.